Ullaræði 2 er afar litrík og fjölbreytt prjónabók og íslenski lopinn er uppistaðan í uppskriftunum. Í bókinni eru á þriðja tug uppskrifta, flestar að heilum peysum en einnig að sokkum, húfum, vettlingum og fleiri minni verkefnum.

Finnski hönnuðurinn Heli Nikula sló í gegn fyrir örfáum árum með peysuuppskrift úr íslenskum lopa. Hún hannar undir nafninu Villahullu, sem þýðir eins konar ullaræði, og er orðið þekkt nafn um allan heim. Aðdáendum íslenska lopans hefur fjölgað gífurlega í kjölfar Villahullu svo úr hefur orðið mikið ullaræði.