3. Apríl 2025

25% afsláttur af öllum vítamínum á Vítamíndögum

Nú er vorið á næsta leyti og skemmtilegur tími til að huga að heilsunni. Finna leiðir til að bæta heilsuna, mataræðið og gera lífsstílsbreytingu til hins betra. Einnig er gott huga að leiðum til að styrkja ónæmiskerfið t.d. með góðum svefni, hreyfingu og hollu mataræði. Því er upplagt að nýta sér 25% afsláttinn sem er af öllum vítamínum í verslunum okkar dagana 3.-13. apríl.

Vítamín eru lífræn efni sem líkaminn þarf til að starfa eðlilega. Flest vítamín fáum við úr næringunni en ef of lítið af vítamínum er innbyrt þá geta komið fram einkenni skorts. Vítamín viðhalda hraustum líkama og þrátt fyrir að þau birtast í mjög litlum skömmtum í fæðunni þá eru áhrif vítamína á líkamann mikil og nauðsynleg.

Ein auðveldasta leiðin til að styrkja ónæmiskerfið er að taka inn D-vítamín. D-vítamín styrkir einnig bein og vöðva. Við fáum D vítamín frá sólinni, en þar sem er lítið um sólarljós hér á landi má segja að það sé ekki aðeins ráðlagt heldur nauðsynlegt að taka inn D-vítamín bætiefni yfir vetrartíma.

A-vítamín stuðlar að heilbrigðri sjón, húð og ónæmiskerfi. Það hjálpar einnig við eðlilegan vöxt beina. Við getum fengið A-vítamín úr matvælum eins og gulrótum, spínat og eggjum.

C-vítamín er andoxunarefni sem styrkir m.a. ónæmiskerfið, verndar frumur líkamans gegn UV geislun og tóbaksreyk, styrkir varnir líkamans og eykur upptöku járns í meltingunni. Það tekur þátt í nýmyndun kollagens og er oft notað í snyrtivörum. Flestir fá nóg af C-vítamíni úr fæðunni en reykingar og áfengisneysla eykur þörf á inntöku C-vítamíns. Margir taka inn C-vítamín í veikindum til að efla ónæmiskerfið. C vítamín er að finna í ávöxtum eins og appelsínum, berjum og grænu grænmeti.

B-3 vítamín sem er einnig þekkt sem niacin aðstoðar við efnaskipti í líkamanum og er einnig þekkt fyrir að bæta heilsu húðarinnar hvort sem það er fengið úr næringu, tekið inn sem bætiefni eða borið á líkamann. Mörg krem innihalda B-3 vítamín og er það vinsælt í snyrtivörum. 

B-7 vítamín er einnig þekkt sem bíótín er framleitt í meltingarveginum en sumir taka það einnig inn sem bætiefni þar sem bíótín styrkir meðal annars neglur, húð og hár. Bíótín hjálpar einnig líkamanum við að brjóta niður orkuefni og eru því mikilvæg fyrir meltinguna. 

E-vítamín verndar frumur líkamans gegn skemmdum frá óæskilegum efnum og er mikilvægt fyrir húðina og frjósemi. Það hefur líka góð áhrif á heilsu hjarta, húð og ónæmiskerið. E-vítamín kemur úr fræjum, hnetum og olíum.

K-vítamín er nauðsynlegt fyrir myndun storkuþátta í lifrinni og hjálpar til við eðlilega beinmyndun í líkamanum, hægir á beinhrörnun með því að draga úr kalktapi. K vítamín er í grænu blaðgrænmeti, eins og brokkolí og spínati og einnig í jógúrt og eggjum.

Járn er steinefni sem meðal annars flytur súrefni til vefja líkamans. Við tíðarblæðingar verður tap á járni í líkamanum, mismikið eftir einstaklingum. Ef mikil þreyta eða jafnvel svimi fylgir blæðingum þá getur verið ráðlagt að taka inn járn sem bætiefni. Járn stuðlar að eðlilegri myndun rauðra blóðkorna, styrkjir ónæmiskerfið og veitir aukna orku. 

Zink er steinefni sem hefur fjölbreytta virkni t.d. styrkir ónæmiskerfið, aðstoðar við efnaskipti, DNA myndun og próteinframleiðslu. Zink finnst meðal annars í baunum, korni, fisk og kjöti en finnst einnig í fjölvítamínum og öðrum bætiefnum.

Joð er steinefni sem er mikilvægt fyrir efnaskipti líkamans. Joð finnst aðallega í fisk og mjólkurvörum. Fyrir þá sem ekki boða fisk eða mjólk er rálagt að taka inn joð sem bætiefni þar sem líkaminn getur ekki framleitt joð.

Hafa skal í huga að fólk með fæðuóþol eða borðar takmarkaða fæðu getur þurft að taka inn bætiefni oftar en aðrir einstaklingar. Einnig getur fólk þurft á bætiefnum að halda á ákveðnum tímum, t.d. fyrir þau sem fara á tíðarblæðingar getur verið gagnlegt að taka inn járn yfir það tímabil sem tíðarblæðingar eiga sér stað. Magnesíum eftir góða æfingu getur einnig hjálpað með endurheimt. Holl og góð næring er lykilatriði að heilbrigðum lífsstíl og þegar líkaminn starfar rétt þá eru lífsgæði mun betri.