15. Desember 2024

Aspas með hollandaise í kísaq og rifin reykt bleikja

Asp­as er vin­sælt meðlæti, hvort sem er á jól­um eða með hvers­dags­mat. Hér er upp­skrift að einkar góm­sæt­um asp­as með hollandaise og rif­inni reyktri bleikju. Mat­reiðslumaður­inn Snæ­dís Jóns­dótt­ir mat­reiðir asp­asinn á þenn­an ein­staka og ljúf­fenga hátt. 

Aspas með hollandaise í kísaq (rjómasprautu) og rifin reykt bleikja
2 búnt aspas salt
100 g frosin reykt bleikja

Gott er að vera búinn að frysta bleikjuna daginn áður/geyma í frysti.

Sjóðið aspas í saltvatni í 2-3 mínútur, fer eftir stærð. Sprautið hollandaise yfir aspasinn og rífið bleikjuna yfir. Það er líka hægt að grilla aspasinn, fyrir þá sem það vilja.

Hollandaise í rjómasprautu
1 msk. bernaise-essens/sítrónusafi/
eitthvert gott edik
3 stk. eggjarauða
300 g smjör salt

Bræðið smjör í potti. Hitið eggjarauður í vatnsbaði upp í sirka 80°c og setjið bernaise-essens út í. Hellið hægt og rólega smjöri út í á meðan það er hrært stöðugt í eggjunum. Smakkið til með salti.

Sjá myndband hér