11. September 2024

Íslenskt grænmeti

Þessa dagana gefum við íslensku grænmeti sviðsljósið í verslunum okkar. Það er uppskerutími á mikið af grænmeti um þessar mundir og það er því ferskt og flott græmeti í verslunum.

Sama hvort þú ætlar að smella í tómatsúpu, gott salat eða jafnvel TikTok gúrkusalatið þá erum við með frábært úrval af grænmeti í búðunum okkar.

Af þessu tilefni langar okkur að deila með ykkur girnilegri uppskrift af Tómata-og Basilíkusúpu með fetaosti frá Evu Laufey.

Uppskriftin miðast við fjóra

Hráefni:

• 3 msk góð ólífuolía
• 1,2 kg tómatar
• 16-18 kirsuberjatómatar
• 2 tsk oreganó
• salt og pipar
• 1 laukur
• 3 hvítlaukrsif
• 700 ml kjúklingasoð (soðið vatn + 1 kjúklingateningur)
• 1 búnt basilíka
• Hreinn fetaostur, magn eftir smekk

Aðferð:

1. Forhitið ofninn í 160°C (blástur)
2. Skerið tómatana í litla bita og dreifið tómötum á pappírsklædda ofnplötu. Skerið einnig kirsuberjatómatana í tvennt og setjið á pappírsklædda ofnplötu. Kryddið með oreganó, salti og pipar. Hellið vel af ólífuolíu yfir.
3. Bakið við 160°C í 40-50 mínútur.
4. Þegar tómatarnir eru tilbúnir þá takið þið nokkra kirsuberjatómata frá sem þið notið ofan á súpuna síðar.
5. Hitið ólífuolíu í pott, saxið lauk og hvítlauk og steikið þar til laukurinn er mjúkur í ggen.
6. Bætið tómötum út í pottinn og maukið með töfrasprota eða í matvinnsluvél.
7. Bætið kjúklingasoðinu saman við ásamt handfylli af smátt saxaðri basilíku, það má líka mauka súpuna aftur þegar basilíkan er komin saman við ef þið viljið hafa hana mjög fína.
8. Leyfið súpunni að malla við vægan hita í 30 mínútur.
9. Bragðbætið súpuna að vild með salti og pipar, og ef til vill meiri basilíku.
10. Berið súpuna fram með kirsuberjatómötum, ljúffengri ólífuolíu og hreinum fetaosti