16. Desember 2024

Ljúffeng krónhjartarlund í hátíðarmatinn

Fyr­ir þá sem hafa áhuga á villi­bráð er til­valið að elda krón­hjart­ar­lund yfir hátíðirn­ar en Snæ­dís Jóns­dótt­ir mat­reiðslumaður segir okkur hér hvernig elda má þetta ljúf­fenga hrá­efni á ein­fald­an og fljót­leg­an hátt. 

Mælt er með 180-200 g af lund á mann.

Hitið ofninn í 180°C. Steikið eða grillið allar hliðar. Eldið í ofni upp í 48°C kjarnhita og leyfið að hvíla upp í 56°C kjarnhita.

Mysingskartöflur
1 kg forsoðnar kartöflur
250 g mysingur
250 g púðursykur

Setjið mysing og púðursykur í pott. Hrærið vel í þar til púðursykurinn er leystur upp. Bætið svo kartöflum út í pottinn og hitið upp, leyfið karamellunni að hjúpast við kartöflurnar.

Kremað gúrkusalat
3 stk. gúrkur
1 stk. rauðlaukur
1 dós 36% sýrður rjómi
Sítrónubörkur
1 búnt dill

Skerið gúrkuna í sneiðar. Skerið rauðlaukinn í strimla. Saxið dillið smátt. Blandið saman dilli og sýrðum rjóma, rífið sítrónubörk yfir og blandið því við gúrkuna og rauðlaukinn.